突然心血來潮閒聊一下我的工作
想不到回應也蠻多的!
其實身邊最多人(尤其是工作上遇到的客戶/伙伴)問我
“為什麼做著這份工作，還有時間畫繪圖日記?"
事實是… 當然沒有時間呀!
為了擠出時間、分出心血
我已經由以往被同事罵我"做爛市"的工作狂
漸漸變成不負責任的卸膊王!!!!
我也不知道自己是對是錯
只是走了8~9年… 我很累，更愈來愈不知自己該怎走下去….
所以最近一年都是走自私+逃避的路線….
有時我也告訴自己
是不是可以停下來，竭息一下
可是現實是不能….
因為每月的屋租、水電、供養父母… 還有我個胃!!等等，不會跟我一起停下來…
還有愈是努力儲錢做首期，愈是追不上不斷攀升的樓價….
糟了!!!
說是一堆成年人的苦惱
我們還是繼續上集設計師的華麗背後吧! ((就是工場/廠血汗史嘛…
這是我最近去的工場
為的是監收一件擺設的上色效果
((因為商業機密，製作的東西不在照片範圍中~
如上集提及
工場/工廠的師傅常常達不到/不懂我們想要的效果
即場指導甚至親自示範是等閒事
而且因為涉及美學的問題
這些都不能假手於人
無論是大至幾米高的“玻璃纖維”或小如首辦模型般的擺設也如是
無意翻出好久的照片~
跟師傅說要怎改怎做 ((加上自己有動手雕一部分，再叫師傅修改
然後終於雕好，到上色了
結果面相跟眼睛是我自己親手畫上的…..
P.S.
不過我本來就是很愛畫動漫的人~
工作上難得可以畫這類東西
對我來說其實蠻好玩的!
是不是很恐怖？
還是要回公司!!
因為每次外出
還是有一大堆工作在等著你回來…..
但看到工場滿身汗水的工人
又會覺得自己是幸運的一群…..
也有不少慘狀呀！
例如試過在超過35度的炎夏
曝曬之下工作了整整兩天!!!
大概早上6~7時還是氣定神閒
不過當氣溫超過35度 + 皮膚給曬到赤痛…..
我已經熱到不顧儀容了!!!!
一整天在這樣沒遮擋的室外+應付超體力勞動的工作
那種痛苦真的很難用筆墨形容……..
也很難從照片表現出來…….
很多時無論多辛苦
工作中也要硬著頭皮撐下去
唯有苦中作樂
((不過後來我有輕微中暑…….內心一直在流淚….
除了炎夏曝曬下拍攝
也試過在凍到這樣的環境…….
不過相比之下
model就更可憐了…
因為不是曝曬下穿冬季大衣
就是這樣的嚴冬穿夏季衣服……
正所謂家家有本難唸的經
相信每一行也有它的辛酸
不是嗎？
身為設計師
對著電腦捱夜是等閒事吧
遇上展覽或店舖設計還要到現場通宵監督…..
這張日出後的照片是有一陣子
然後回家睡一會兒，比平日晚一點到公司上班…
再在公司工作到深晚，又到這裡看set up….. 到天亮…..
日復一日地持續了一陣子……..
除了通宵
也試過要凌晨三點半起身工作…..
還有大家沒想過的體力勞動!!!
((擺擺抬抬，十多小時走來走去等等都是等閒事
所以很多人問我為什麼不出書
其實兩年前就已經跟出版社談好了!
只是….. 在如此的工作下…
書的進度有如愚公移山….
﹣﹣﹣﹣﹣
不過有苦也有樂
其實也有很多更古怪或更有趣的事
例如………
YEAH~~!!!!!
是不是羨慕又妒忌到想打我呢~~~~~
其實工作上接觸過的明星歌手及名人也真的不少
不過我真的沒什麼感覺….
就只有這樣一次
事前事後都興奮了好幾個晚上睡不好
哈哈哈哈哈哈哈哈哈哈哈!!!!
還有要跟大家說說
害羞的我走過去跟亞信說可不可以合照時
當時的其他成員剛好正離開ing
我在想：不能跟一團五子合照是很可惜，但跟亞信合照已心足了….
始料未及的是…… 亞信馬上大叫正在離開ing的成員回來!!!
那一刻我知道….
我一世也會愛死五月天!!!!
哈哈哈哈哈哈哈哈哈哈～～～
還有原來亞信是這麼高大的!!! 帥氣到爆炸!!!!
還有瑪莎超級超級超級nice!!! 讓我印象很深刻!!!
寫了這麼多…
我已經寫到累爆了….
其實但還有很多有難忙事呀!!! 寫十篇也寫不完!!!! ((救命!!!!
★ ★ ★ ★ ★
以前…
我一直以「30歲前成為Art Director」為目標
於是咬緊牙關一直捱一直捱….
但當我在29歲捱到所謂Art Director這位置…….
我卻很迷茫!
得到Art Director個虛名
就代表我有這樣的能力嗎？
可是並沒有…
我沒有AD該有的Leadership…
我付不起AD該有的責任心….
還有…. 其實我真的不太會做設計
我只是想法比常人古怪一點、小聰明一點
所以算得上稍稍creative一點而已…
但我很清楚… 我不是一個做設計的料子….
更沒有成為Art Director的資格
這件事我一直也很清楚…
所以畫繪圖日誌是我一個小小的避難所
自從努力畫繪圖日誌 (+寫blog)
我已經好久沒試過一天假期是完全放空的了….
工作以外也沒有真正休息過…
雖然很累…
但我還是貪婪地希望懷有所謂的夢想….
用盡每一分力去打拼…
所以有關工作的閒聊
其實是一篇寫給自己的日記
有點灰暗
也有點"不知自己在說什麼"的感覺….
畢竟畫攪笑(?)漫畫的輕熟女也有苦惱的一面的….
不過究竟我是如何入行、成為設計師的經過….
那又是一個很長的故事… ((其實我沒有讀過設計…
有時間再談吧….
就這樣
共勉之
★ ★ ★ ★ ★
伸延閱讀：【閒聊：有關身為設計師的我(上)】
★ ★ ★ ★ ★
輕熟女Yan的繪圖日誌 
工作挺不容易,不過滿有樂趣喲:)
每次見到一d大堆頭展覽, 歌手o既cd, 都會諗下, 唔知阿yan會唔會有份做呢, 或者又要通幾個宵? 雖然身處海外o既我唔可以每次都欣賞到, 但上網見到都會覺得好靚架我唔識咩叫設計, 但其實有創意都係其中重要o既原素吧? 同埋你細心同監工能力, 應該都係AD 應有o既態度 : ) 勝任 AD 與否, 留待老細評價啦~ 加油!!!
我都係度諗,,,我而家全心全意以讀advertsing為目標係咪啱的畢竟我冇咩叻, 都唔係好知想點咁不過目標點都要定, 而design lee樣野係唯一想做的決定左就向前衝la*v*我好想知你點入行XD 得閒的話請你繼續分享:)加油!!!!
加油, 其實你在做的一直是我的dream job, 不過我唔識畫畫, 所以讀書時冇揀到設計呢科…到現在還是混混沌沌咁做住一份自己唔鐘意既工….我好鐘意你個blog架~~加油努力
我入左行一年，都係廣告公司…我公司仲要得果5個人XD我地呢排都有做玻纖公仔既project，完全體會到你講既辛苦！玻纖廠夏天去簡直想死！成個人完全漏水XD但你講得好中point…係d師傅好多時真係唔明我地要求！唔係話歧視…之但係兩地水平好唔同><真係要樣樣講到明！mark好晒pantone…我接觸到d廠，佢地唔明係唔會問我地嫁，會自把自為，佢地一心趕住交貨就算:((所以同廠夾好緊要，大6有d師傅有技術但無我地講求既sense(去做到個客同我地既要求)…同埋做呢行最怕瀨野，壓力好大，無樣野係唔趕既，一樣接一樣，一個人咩都要跟到足！我最怕去set up，set親都凌晨(雖然幾好玩:P)但萬一瀨野時要好冷靜咁應變，又要對客，通頂第二朝當然要番公司做野，呢個係最心酸，番屋企沖涼換衫見到爸媽仲要扮精神…呃佢地我有訓覺;((但即使我好眼訓但d野都係要做，因為今日我唔做聽日都係等我做！鬼叫我公司就得幾丁友……不過雖然我忍唔住起度呻咁多，但我係好堅定地會繼續起呢行做落去….因為我覺得呢行係比較尊重designer…而學好多野見識好多野係其一啦，同埋我發現…"挑戰"呢回事係會上癮嫁！我本身好細膽好怕改變(而家都係)但呢份工正正就迫使我面對我最驚既野！所以就算我怕，但我會學習擁抱挑戰，雖然成日會覺得自己唔知為咩，又點解咁仆心仆命為公司呢？代錢落袋果個果個又唔係我！但當d野出街，我又覺得值得wo ^ ^真係好犯賤嫁！我剛開始番工第2個月就發現你個blog(番工時間刨晒你個blog)，當時我剛入行咩都唔識，未做到大project,，好羨慕d同事成日做d好玩ge野,覺得自己好無用果陣見到你公司做海港城toystory聖誕裝飾，真係覺你公司好犀利！當時我好希望我有一日都可以做呢d大project！thats why而家我會不斷叫自已進步！希望有一日我都可以:))
全中呀!!! 好想比個give me five你!!! d廠水平真係好唔同，又鐘意會自把自為!! 呢下先嚇人!! 我以前同屋企人住，日日都比亞媽鬧… 初時仲話踩上公司鬧我老細…. 但係老人家不會明白，做呢行真係要咁先做到d成績。以前我個ex-bf又成日話係我狂OT係吾識分配時間，做事效率的問題…. 大佬呀，好似以上廠睇住為例，你點安排，最後都要係花時間做(尤其做玻纖) 或者凌晨set up，影fashion shot OT, 呢d根本無得話識分配時間就可以做到好舒服… 佢吾明我不是不會分配時間，而是無時間分配!!! 真係有苦自己知！不過我開頭捱了6-7年，捱得太盡，呢兩年己經吾掂…. 首先體力同精神上真係吾得… 以前成日通頂，每星期都有一日做over30小時，而家過左凌晨12點我就開始集中不到精神… (雖然之後會回家畫/寫野，攪到2-3點) 所以點都好，真係要保住健康。你加油呀!! 有鬥志最緊要!! 希望有日見到你既大作啦!
你的工作好有趣呢~雖然辛苦, 但一定很enjoy呢~
PS:我以前做的電影, 時間仲癲過廣告, 不過唔駛湊Client都幾好ga
加油加油~有時雖然辛苦，但能為著自己喜歡的事而辛苦，也是另一種幸福XD所以我也沒有後悔選擇設計這一行=]
有時衝得太久會迷失很正常~讓自己好好休息一下吧!!!
有意思
不錯呀,我家人也有叫我做設計行業,但自己覺得不喜歡,同時經常到圖書館睇書,最後都係去左圖書館工作,哈哈,閒時可以看書,唔錯。
圖書館工作！！超正呀！！ 舒服、有冷氣又不用外出，是我小時候想做的工作之呢！
為何最後那張相,把自己雙眼遮著.
因為素顏, hahahahaha~~~
dear yan this is a very good facebook when you have more time you may have you own book i hope you can O.k wish you working happy every day uncle danny ho
設計…什麼的？….你的腦筋…會轉動…..比別人快?
好羡慕妳的工作呀! 很有樂趣呢~
哇筋肉人